Oshikondo sheeshi neyambulepo loshilongo otayi endele pamwe – NNN

Omupresidente Netumbo Nandi-Ndaitwah okwa ti oshikondo sheeshi osha etela Ovanamibia eemhito doilonga osho yo okuyambula po eliko loshilongo. Edi Omupresidente okwe di popya onghela komutumba u li kodoolopa Walvis Bay, tau kundafana kombinga yoipambele yeeshi. Omutumba ou wa tameka onghela notau xulu mongula. Komutumba ou oku na ovanambelewa va yooloka va dja komahangano eeshi tava topolelafana omayelele a fimana osho yo kouministeli wounamapya needjo domomeva. Omupresidente okwa ti omutumba ou owa fimana shaashi otau kundafana kombinga yoshikondo osho shi li sha fimana moshilongo. Nandi-Ndaitwah okwa ti oshikondo sheeshi osha dana onghandangala yakula okeutela oshilongo oyuuyemo yoshimaliwa tashi pitile momangeshefelo eeshi. “Oshikondo eeshi osha fimana shaashi eeshi odi na ovitamine hai etele ovanhu oukolele,” ta ti. Okwa weda po ta ti oshi li sha fimana ngeenge oshiwana tashi li eeshi opo shi mone mo ovitamine. Okwa pandula omahangano eeshi a yooloka molwokulonga nondjungu nokukwashilipaleka kutya otaa lalakanene okuetela oshiwana omauwa. Nandi-Ndaitwah okwa ti pula ovanambelewa va dja komahangano eeshi opo kundafane kombinga yoipambele ei tai eta po omalunduluko. “Topolafaneni omayelele kutya oshike shi na okuningwa po okuyambula oshikondo sheeshi. Ovanhu nava yandje omayele kutya openi pa pumbwa okulundululwa,” ta ti. Okwa weda po ti omayele taa ka yandjwa momutumba ou otaa kwafele okueta po omalunduluko mawa noidjemo tai yambula po oshikondo sheeshi. “Konima yomutumba ngeenge owa pu otashi kwafele ovanambelewa ve na ounongo moipambel yeeshi va kandule po omashongo aa taalelwa koshikondo sheeshi,” ta ti. Nandi-Ndaitwah okwa ti ota ka talela po omahangano eeshi a yooloka nelalakano lokuninga omapekapeko nghene ta longo mwa kwatelwa nomayakulo taa pewa oshiwana. Okwa pula Ovanamibia opo va twikile okukala vena oukumwe wokuleka po eedjo loshilongo. Omutumba okwa li natango wa yandja omhito kovakwashiwana okupula omapulo nokuyandja amwedelepo. fhamalwa@nepc.com.na