Focus Fireboy a pitifa oalbum ipe

Abraham Mwanyekange Shiwayu Sakaria nedina la shivika nawa Focus Fireboy okwa nhukila mondabo noalbum ipe tai ifanwa ‘What a time to be alive’. Fireboy odalele yokEenhana moshitukulwa shaHangwena. What a time to be alive okwa pitifwa omwedi ou.

Focus okwa lombwela Kundana ta ti paife oshili oshikando shititatu ta pitifa oalbum yeengalo. Edina loalbum yaye, ‘what a time to be alive’ otai tyapula olweendonghalamwenyo laye. “Itashi ti onda findana mwaaishe, ka kele otashi ulike nghee ndi na okutwikila nolwoodi fiyo handi findana, “ Focus Fireboy ta holola ngaho.