Mayola waNgwediva a putula oshiwana shaye

ONGWEDIVA- Mayola wodoolopa yaNgwediva Naemi Amuthenu okwa yandja eembuto doihape noingumutulu kovakalimo vomodoolopa yaye Etitano opo va dule okueta po oikulya kuvo vene.

Amuthenu okwa ti edilaadilo eli okwa kala nalo nale eshi eya koshipundi ashike ka kwali eshi kutya ote shi ende ngahelipi opo a dule oku twifa ondjodi yaye shaashi kapa li pena oshimaliwa.

“Onda tameka oku talela po omangeshefelo handi kongo ekwafo leembuto, oihalaka, omaketifa oku tekela oimeno osho yo omaushosho,” ta ti.