Ovahongi mOshana va holola oyeetifi yedopo meefikola

ONGWEDIVA – Ovakulunhufikola osho yo ovakulunhu vomalaka moshikandjohongo shaNamutai moshitukulwa shaShana ova li va ongala oshivike sha dja ko nelalakano lokutwa nelelakano lokutwa omitwe kumwe shina sha nelunduluko loidjemo yovanafikola moshitukulwa.

Ovakulunhu vomalaka okudja keefikola da yooloka ova holola kutya ova didilika osho tashi hapupalifa edopo meefikola nova pumbwa omakandule po oupyakadi ou.

Noah Shikongeni oo naye eli omuhongifikola mu imwe yomeeefikola dili moshikandjohongo shaNamutai okwa ti, eefikola dimwe kadi na ovalukunhu vomalaka, osho natango hashi ningi oilonga ihapu kovahongi.

“Epangelo nali tukwafe li pitife eepoosa dovakulunhu vomalaka opo va dule okuyambididafana oilonga novahongi vakwao,” ta ti. Ovahongi ovo tuu ava natango ova yelifa kutya vo ova hala epangelo li ufe oilongwa yopaungoba i kale tai longwa meefikola adishe. “Oshili haunona aveshe vena omaano omambo, ashike ngeenge omunhu okwa kala ha longwa oilonga ya nyika oungoba, oha shi kala ngaho shili xwepo shaashi nande mofikola ina dja mo nasha oha dulu ngaho oku kala ta xwikile nande oitenda yaye, yee ta pangele oipilangi nai kwao yawedwa po,” ta ti.