Va hala Ohangwena Community Radio ya nyumuka

Abraham Mwanyekange

Ovakwashiwana moshitukulwa shaHangwena ova pula opo oradio yomoshitukulwa shavo i nyumunwe po nokwaalukila momhepo.

Ovakwashiwana ova ninga eindilo eli sha landula eshi ouministeli womauyelele, oungoba nomakwatafano wa tula po elandulafano lipe linasha nomandiki okuyandja omauyelele neudo.

Omulandu mupe ota u yambidida eyandjo lomauyelele momidingonoko, ta u yandje eeghono kovakalimo opo va yandje omaliudo avo osho yo okumona kutya ovanhu va pewa omauyelele oshilongo ashishe.

Omunambelewakulunhu wouministeli womauyelele mOhangwena Meschtride Mathias okwa lombwela okakomitiye komutumba wopashiwana kenasha nomakwatafano Etitano ta ti kutya oradio oya pata konima eshi oshimaliwa sha pwa po.

Okwa ti oradio oya pumbwa omakwafo opashimaliwa opo i twikile okuyandja eenghundana domoshitukulwa, ehongo, omauyelele osho yo omalihafifo.

Mathias oo naye ali oshilyo shepashukilo lo radio okwe li longekida okuyandja omakwafo opo oradio i alukile momhepo.