‘Shanakulya osha nakulonga’ ota denge po ondjala noluhepo

Abraham Mwanyekange

Oprograma yashanakulya osha nakulonga nedina la shiivika nawa ‘cash for work or food’ ota i yandje oyuuyemo pashimaliwa nopaikulya movanyasha koitukulwa yokonooli.

Opragrama ei ota i kufa po yo eemhumbwe doshiwana nokueta omayakulo popepi ngaashi eepate nomeva.

Shanakulya osha nakulonga oproyeka ya etwa po kepangelo okupitila mombelewa yomuprima ya andjakana noitukulwa opo ovanhu va longe oilonga yokeenyala vo tava futwa oshimaliwa ile va pewe oikulya kepangelo.

Oproyeka otai lalakanene okuyandja oilonga yopokafimbo kovanyasha osho yo Ovanamibia aveshe opo va mone oyuuyemo ile shokupalula pepunda.