Epangelo otali pula eenghendabala dopamuhanga dokukelela omapeya

Omukulunhuwiliki wOmakuti moministeli yOmidingonoko, Omakuti nOmatalelepo, Johnson Ndokosho, okwa pula eenghendabala dopamuhanga dopashiwana kukelelwe omapeya, ta ti omindilo edi itadi dulu okuungaungwa nado kehangano limwe alike.

Eshi kwa li ta popi pefimbo noshoongaleleilonga shopashiwana tashi talulula omilandu dokukelela nokuungaunga nomapeya kOshakati Etivali, Ndokosho okwa ti omapeya otaa twikile nokunyanauna omudingonoko neliko oshilongo ashishe.

Ndokosho okwa popya kutya omapeya ohaa kumu nai oikondo yeliko, mwa kwatelwa omatalelepo nounamapya nounaimuna, omanga yo a nyika oshiponga komaliko neemwenyo dovanhu.