Linzie litaseza Erongo, Hardap

SWAKOPMUND – Likolo la njimo lilumezi sikwata sa babafaela kwalikiliti zaErongo ni Hardap kasamulaho akuzuha kwalinzie zalihalaupa. Likolo libulela kuli kuzuha kwalinzie zalihalaupa nekulemuhilwe sapili kwaHomeb, mwasilalo saUtuseb, libima zemashumi asilezi kuzwa tolopo yaWalvis Bay, hamoho cwalo ni mwasilalanda sa Daweb mwasikiliti sa Hardap. Sibuabui walikolo Romeo Muyunda naize linzie kanako yacwale lisa sweli kufufa, mi mwasikiliti sa Erongo neli lemuhilwe kwasiteshini sa lipatisiso saGobabeb kwamukulela wanuka yaKuiseb, kuyanduluka libima zemashumi aketalizoho mwasibaka saNamib-Naukluft Park, hala likiliti kaufela za Erongo ni Hardap.