Mulao wakauhano ubukeleza banana …uhulisa ñoliso yamanyalo

Auleria Wakudumo Mulao obona zalikauhano mwanaha Namibia ukacinca kamo likauhano lizamaisezwa mwaNamibia. Taba yabutokwa hahulu kipukelezo yaliswanelo zabanana. Kakuya kamulao okalile kubeleka viki yefelile, khuta haina kulumelela kauhano haiba hakuna haikolwi kuli pabalelo yabanana iakateni.

Kuekezafo, keto yayababalela banana ikaitinga fakuli bashemi kaufela bamwamayemo sakata. kuambolisana mwahalabona nikuli banana bakaina kai, kizeñwi zekatalimiwa. Bubeli bwabashemi bakatamiwa kimulao kutusa banababona ni masheleñi. Kuekezafo mulelo one uhatisizwe viki yefelile obona zakuñolisa manyalo, niona ubata kubona kuli liñolisa zecwalo likona kuezezwa famakepe.