Balimi baZambezi babata silelezo yasisole… masholi bazwelapili kungundunganya

KATIMA MULILO – Balimi babapila kwamukulela wamuseto kwaLiselo-Kamenga mwasikiliti sa Zambezi bapila mwasabo, bakeñisa masholi babalwezi litobolo babazwelapili kutaseza minganda yalikomu. Masholi bazwelapili kufenya balimi mwasikiliti sa Zambezi ni kuuzwa likomu nikulikasheza mwanaha Zambia.

Balimi kanako yacwale bakupa mubuso kutusa, kungelela cwalo nikulumela masole kwamukulela wamuseto. Limembala zakatengo kakalwanisa busholi kwaLiselo-Kamenga (LIKASTA) libulela kuli seli taba yebilaeza hahulu mi balimi banze balatehelwa kibupilo bwabona kukutisa likomu zeutwizwe. Hane abulela ni New Era viki yefelile membala wakatengo kaLIKASTA, Lovemore Litabula naize “kitaba yetuna ni yesabisa.”