Ongeshefa yokuhondja ya kuthwa kohi komukuli gwooN$700
Epungulo lyoshimaliwa momukunda olya kutha kohi Foibe Nakashwa sho kwa li a kutha ko omukuli gwoshimaliwa shooN$700 okutota po ongeshefa ye yokuhondja ndjoka mongashingeyi hayi hondjo oondjato dhaanona dhoosikola osho wo oombindja noombulukweya dhuutalala dhaanona, nonande okwa popi kutya etameko okwa li edhigu. Nakashwa (52), gwomomukunda Oshaaneko moshikandjohogololo shaMpundja moshitopolwa shaShana, okwa popi kutya okwa […] The post Ongeshefa yokuhondja ya kuthwa kohi komukuli gwooN$700 appea
Epungulo lyoshimaliwa momukunda olya kutha kohi Foibe Nakashwa sho kwa li a kutha ko omukuli gwoshimaliwa shooN$700 okutota po ongeshefa ye yokuhondja ndjoka mongashingeyi hayi hondjo oondjato dhaanona dhoosikola osho wo oombindja noombulukweya dhuutalala dhaanona, nonande okwa popi kutya etameko okwa li edhigu.
Nakashwa (52), gwomomukunda Oshaaneko moshikandjohogololo shaMpundja moshitopolwa shaShana, okwa popi kutya okwa tameke okuhondja pomimvo 35 sho onkalo kwa li tayi nyengana okumona iilonga.
Okwa lombwele onzonkundaneki ndjika kutya ina mona nande omadheulo ga sha gokuhondja, nokwa gwedhapo kutya okuhondja oshitalenti owala shoka a za nasho.
