Swakop Uraniums ge Erongob ǂkhari ǂharugub tsoatsoa-aona N$70 000 ǀkha go ǂkhâ!nâ

2026-08-182026-08-18By Eveline de Klerk

Swakop Uranium mains ge N$70 000sa ǀkhaeb ase ge mā, tarekhoedi tsî ǂkhamkhoen xa a ǀhonkhoe-aihe ǂharuguga Erongo ǀkharib !nâ ǂkhâ!nâs ase. Nē maris ge kurikoroben ra ūhâ Husab Marathons !nâ !âs !aroman ǁhao-aona gere xoaǂgāsenū marisa xu ge hā.

ǂKhâ!nâs ai mûba mâi hâse ge ǂgâxa maris nēs ge, Erongo ǀkharisi mûǂamaos Dr Nathalia ǀGôagosesa ǁîs di beros tawa ge hâ i ǁaxasib tawa ǂhanusise ge ǁkhaeǁnâhe.

Sîsenǂui ra !Nakaǂnôa Presidenti Swakop Uraniums dib, Irvinne Simataab ge ge mî, nē ǂnûiǂgās ge ǀkharisi mûǂamaos berosa sari hâ isa, mâ ǀgaun ain ǂkhâ!nâsa ǀhûhâsib khoen di dītsâde a ǂkhâ!nâ ǁkhās ǂnamipe.

“Sida ge !gôahesa ǀkharisi mûǂamaosa ge sari, mâti da ǁîs berosa a ǂkhâ!nâ ǁkhā ǀgauga !hoaǂams ǂnamipe, !gōsase ǀhûhâsiga omkhâis ǂnamipe hâga.

Sida ǂnûs !nâ ge ǂoaxa !khais ge, saso, sida ǁgûso ǀnai ai!â ge ǂnôa i tsēs ai nē berosa ge sari hâ isa,” tib ge Simataaba ge mî.

Nē ǁgamǁarede xu ge !huises ge Swakop Uraniums ge !khoeǀnûgusa xu ge ǂgâxa marisa ǀkharisi mûǂamaos berosa a ǁkhaeǁnâsa, tarekhoedi tsî ǂkhamkhoena ǁāǁās ase.

Simataab ge nēpa xu ge !gâi!gâ khoena ge ǂgaoǂgao!nâ in !hū-omkhâis projekn xa ǂâi tsî nēs !nâ-ū ǀkharib !nân ǂûna ǁawosase nî hâsa ǁawoǁawo.”

Nē!nôa dīga xu nî !huis ge skolgu tsî nau ǂnûiǂgādi ǂûna a hōǁkhāsa, nēpa xu gu ǁama!khaiga a ǂoaxa ǁkhā amaga,” tib ge ge ǀaro.

ǁNā maris gere ǁkhaeǁnâhe soab ais ge ǀGôagosesa ǁîs ganganxasiba Swakop Uraniumsa nē ǂkhâ!nâs !aroma mā tsî !gâi!gâ khoena ge ǂgan, in nē huiba !ereamxasib ǀkha sîsenū tsî ǁîn ǂharuguga ǀgaiǀgai tsî khoraǂui. ǀKharisi mûǂamaos ge ǁkhāti ǂhâhâsasib hîa ǂhanub tsî aitsama mâbasen ǂnûiǂgādi ǁaegu hâ !khōǁôagus, ǀhûhâsigu !nâ hâ ǁgoeǂuide oe-ams ǂnamipe hâsa gere ǂan!gâ.

Gisella Tsâuses, ǁîs tsîn !gâi!gâ ge khoen di ǀguis ge, hoa khoen di ǀons !nâ Swakop Uraniumsa gangansa nē huib !aroma ge mā.