Omaudhano goSOE ga pu

Omaudhano gomahangano gayama kepangelo osho ga thiki pehulilo Olyomakaya sho ga tamekele Etine lyoshiwike sha zi ko.

Oongundu dhomahangano odha li dha kutha ombinga nonando dhimwe ka kwali dhe shi pondola okusindana nenge okuthika koonkatu dha hugunina.

Ehangano lyoNBC oRelay oye ya puutitatu naatondoki ye li yaali yoshinano, ayehe oya pewa oombandi.

Enyakwa mokudhana osinuka gwehangano lyoNBC Salmi Kapolo okwa ti omaudhano ogeenda nawa lela ashike oya kuthwa muudhano kaashili pauyuuki.