Ovanafikola vena ounghundi momhumbwe yeengulufikola

Ovanhu ovo tava lumbu nomaunghundi a yooloka moshitukulwa shaHangwena ova lopotwa tava xupu noudjuu molwa omhumbwe yoikwafifohongo omo mwa kwatelwa eengulufikola omo hava longelwa.

Omunashipundi mehangano lo National Federation of People with Disabilities in Namibia (NFPD), ehangano olo hali ungaunga novanhu ovo ve na ounghundi nokulile po oshitukulwa shaHangwena Mathew Hashoongo okwa yelifa kutya ovakalimo vahapu moshitukulwa shaHangwena otava mono oixuna.

Hashoongo edi okwe di hololela Ngoloneya woshitukulwa shaHangwena Kadiva Hamutumwa pefimbo olo ngoloneya a li ta yandje ouyelele una sha naashi a dula okulonga po moule wodula oyo a kala koshipundi.

Hashoongo okwa yelifila ngoloneya kutya oshitukulwa kashi na eefikola dovanhu tava lumbu noulema.