Aalongisikola 112 ya mono iilonga mOmusati

Uuministeli welongo, owa longitha oomiliyona N$21 okunkondopaleka elongo moshitopolwa shaMusati, sho wa longo oshindji sha kwatela mo oku gandja iilonga kaalongi aape.

Ngoloneya gwoshitopolwa shaMusati Immanuel Shikongo okwa ti, oya kambadhala okukandula po uupyakadhi wa taalela oshikondo shelongo moka mwa kwatelwa okwaana iilonga. “Otwa gandja iilonga kaalongi yeli 112 mboka ya kala ya taalela uupyakadhi wokwaana iilonga. Otwa tunga oongulu osho wo oku opaleka omatungo ga kale geli monkalo tayi hokitha go ga vule okulongelwa aalongwa,” ta popi ngaaka.

Ngoloneya natango okwa ti aalongi natango oya kala noku ningilwa omadhewo okunkondopaleka otseyo dhawo.