Ouyuuki nefimaneko nau twikile koilonga- Omupresidente

Opuwo- Omupresidente Netumbo Nandi-Ndaitwah okwa ti osha fimana ngeenge ovanhu ve li fimaneka, ve na oukumwe nokulongifa ouyuuki koilonga. “Ovanailonga na va fimanekwe, ovanhu koilonga ina va ningilwa okatongo shaashi aveshe ovanailonga,” Nandi-Ndaitwah ta ti.

Edi Omupresidente okwe di popya Etitano kOpuwo moshitukulwa shaKunene kedimbuluko lefiku kovanailonga. Efiku e li oha li dimbulukiwa mefiku 1 Mei omudo keshe. Neudo ola dimbulukwa koshi yoshipalanyole ovanailonga vomoshilongo tava pula omadeulo moilonga opo va dule okushipondola okueta po oidje mo iwa.