Oomilliona N$31 okunkondopaleka uunamapya mOmusati

OUTApi – Ngoloneya gwoshitopolwa shaMusati Immanuel Shikongo okwa ti uunamapya owo ehukamugongo lyoshilongo, mboka tau vulu okutaandeleka eliko lyoshimaliwa moshilongo nokukandula po ondjala noluhepo.

Shikongo okwa popi ngaaka Etitano sho kwa li ta fatulula shoka sha pondolwa osho wo omashongo ga taalela oshitopolwa shaMusati okuza omumvo gwa yi.

Ta fatula kutya oomiliona N$14,5 odha longithwa okuopaleka osho wo okweeta po omeya omanga N$900 000 ya longithwa okulonga ehala lyokutalaleka koshikunino shuunamapya kEtunda.

Omilliona N$1,8 oya li ya longithwa okweeta po oshikunino shomabanana ngoka ngaashi ngeyi taga landithwa moshilongo.

Natango okwa popi kutya omilliona N$1,5 oya longithwa okuyambidhidha aanafalama noompumbwe dha yooloka.