Mitili gomoRundu kwasikisamo nzodi zendi

Eyi kwatamekere tupu ngwendi yokuligusa mukuma, nye ngesi yina kuru egano lyamitili gatunga moRundu ntani mutungi gweyi yonongodi Martha Ngeve, ogu ana tjindji mudwaro gokutunga yikoverero yongodi ngesi kuna kutunga nye mudwaro goufuuli, nombya, ntani yimwe eyi ana kurugana nomawoko omu nye ana kugava sihonena vamwe nawo vatwikire komeho nomagano gawo gomawa.

Nampili ngomu gakara asi mitili, age simpe kuna kutwikira kugwedererako koudivi wendi nokugwedako eyi galirongere nare konkurusure zetu zaNamibia ndi asi UNAM. Esanseko lyendi lyoyirugana nye eyi yongodi kwatameka nomvhura dakapita mo 2019, age simpe murongwa konkurusure zetu Unam, moRundu omu nye gakere tatungu nosiruwo pangenderera ntani ngakara nye tarugana nkenye siruwo. ‘’ Kapi yakere ureru mokulironga dogoro mo2019 apa nye nayatungire mudwaro gwanyamwange siruwo oso ame simpe koUNAM zomoRundu. Eyi yakere nye siruwo oso asi kuna kutjindja eparu lyange,’’ yimo ana kutanta. Kwakura mepata lina kara asi lyokulifumadeka, omu vakurona ava rugana unene varere vana vawo nokuvapa mukumo asi vahepa kurugana unene ngavakalirere vene nokulikarera pwavene. ‘’