Eemiliona N$35 tadi ka tunga Eenhana NUST

OHANGWENA- Ngoloneya woshitukulwa shaHangwena Kadiva Hamutumwa kwa ti eemilliona 35 oda tulwa poshitaafula okutunga oshiputudilo shaEenhana NUST. Okwa ti oilonga yokutunga otai ka tameka omafiku aa shaashi aishe oya tulwa nale peenhele. Okwa weda po elelo lodoolopa yaEenhana ola yandja nale onhele yedu opo ta pa tungwa oshiputudilo eshi.

Ngol oneya edi okwe popya mexuliloshivike pefimbo kwa li ta lombwele Omupresidente Netumbo Nandi-Ndaitwah kombinga yeepoloyeka odo da tulwa moilonga moshitukulwa shaye. Efiku olo Omupresidente okwa li a talela po Omupresidente mukulu Hifikepunye Pohamba keumbo laye kOnghudi. Nandi-Ndaitwah okwa li a hafa okuunda onghundana ei kungoloneya eshi ta longo nondjungu.