Nakufekelwa ekwatombyambyona lyokanona mokakuma …Anuwa okwa fundju kuume ke komiihole kutya okuna okanona naye

OSHAKATI – Omukiintu ngoka ta fekelelwa ekwatombyambyona lyokanona hoka kali ka kana posikola Oshakati Primary, anuwa okwali a fala okanona komulumentu ngoka a kala ta fundju kutya okuna okanona naye.

Sha ikolela kopolisi moshitopolwa shaShana oya ti , omukintu ngoka okwali a fala aapolisi komukunda Etayi hoka kuna omulumentu ngoka ali a fatulile opolisi kutya okwa kala noku sapota okanona omanga okashona. “Omulumentu okwa hokolola kutya okwa kala hatuminwa ashike omathona omanga okanona hoka okashona, sho soho nduna a pula okanona keye ekamona oshoka ye oha kala kOmbaye okweya po ashike,” opolisi ya fatulula ngaaka. Okanona komimvo heyali , okwa li a kongwa kaakwanezimo yako, sho ka li inaka thika kegumbo okuza kosikola Omaandaha. Sha ikolelela ku he, okwali anuwa ta ende pamwe naanasikola yakwao sho omukulukadhi gumwe e mu koyola ete mu sikile nelapi komutse, te mu toola po tayi naye.

He yokanona okwa popi kutya, anuwa omulukadhi ngoka okwali a lombwele aanasikola kutya ota fala koshipangelo.