Valumenhu xulifei po okudenga ovakainhu veni – Sankwasa

OPUWO- Minista womayambulepo eedoolopa nomikunda James Sankwasa okwa kumaida ovalumenhu opo va xulifei po okudenga ovakainhu vavo ndele na va fimaneke ovakulukadi vavo.

Okwa yelifa ta ti ombelewa yaye oya didilika ovalumenhu ina va fimaneka ovakainhu vavo eshi hava kala tava tuku nokuhepeka ovakulukadi vavo.

Edi Minista okwe di popya oshivike sha dja ko kodoolopa yaPuwo moshitukulwa shaKunene pefimbo kwa li a ninga omutumba novakalimo va dja moshitukulwa omo.

Elalakano lomutumba okukundafana kombinga yomaupyakadi a taalelwa koshiwana osho yo okutopolafana omauyelele.