Omuprima eli nyika komilungu no ‘order with me’

Abraham Mwanyekange

Omuprima minista Elijah Ngurare okwa shakena novanangeshefa vo ‘order with me’ Olomakaya moWindhoek nelalakano okupwilikine komakemo nomashongo a taalelwa kovanangeshefa ava.

Omuprima okwa li yo ta pwilikine nokukundafana omaupyakadi a taalelwa kovanangeshefa ava ngeenge tava eta oilandifomwa yavo moshilongo osho yo ekwatafano lavo nehangano lo Namibia Revenue Agency (NamRa).

Ngeenge taku popiwa ongudu yo order with me ovanangeshefa ovo hava lande oilandifomwa mouhapu okudja kondje yoshilongo vo tave ya okulandifa moshilongo.

Pefimbo ovanangeshefa ve li meenghundafana nomuprima, ova shiivifila Ngurare kutya ota va futifwa oimaliwa ihapu kovanambelewa vaNamRa.