‘Uulumentu kawu shi okwiidhidhimikila omahepeko’
… omulumentu a hepekwa nokutsuwa kohondakadhona moGobabis Omulumentu gwomimvo 42 okwa hokolola kutya okwa monithwa iihuna noonkondo yolutu kohondakadhona ye, nolwahugunina okwa li nokuli a hupu meso sho taku hokololwa a tsuwa nombele mepunda, omwedhi gwa zi ko. David Suze okwa lombwele oshifokundaneki shika kutya oshiningwanima shoka osha ningwa muMei pegumbo lyaandjawo moGobabis, konima sho […] The post ‘Uulumentu kawu shi okwiidhidhimikila omahepeko’ appeared first on The Namibian .
… omulumentu a hepekwa nokutsuwa kohondakadhona moGobabis
Omulumentu gwomimvo 42 okwa hokolola kutya okwa monithwa iihuna noonkondo yolutu kohondakadhona ye, nolwahugunina okwa li nokuli a hupu meso sho taku hokololwa a tsuwa nombele mepunda, omwedhi gwa zi ko.
David Suze okwa lombwele oshifokundaneki shika kutya oshiningwanima shoka osha ningwa muMei pegumbo lyaandjawo moGobabis, konima sho a tokola okuhulitha po ekwatathano lyawo lyopaihole.
“Omolwiilonga, ihandi longo moGobabis nonkene esiku nda galukile kegumbo, onda adha taya tembuka mo maandjetu. Megumbo okwa li nda thiki mo ongulohi lwopotundi 22h00 sho nda adha ohondakadhona yandje namumwayinagona gwe taya tembuka mo megumbo.
Onde ya lombwele kutya oya manguluka okutembuka nombili, shampa owala itaaya piyaganeke ndje nenge yuulukile ndje ondhino,” osho a popi ngaaka.
Omanga ye li po, Suze okwa popi kutya oontamanana odha tukuka pokati kohondakadhona ye namumwayinagona, naashoka osha hulile molugodhi.
