Va tewa meumbo kuxekulu …xekulu ta ti kave shi vepata lavo

Abraham Mwanyekange

Ovakalimo vomomukunda Onanadi moshitukulwa sha Hangwena otava pula ekwafo moshiwana opo va dule okuninga eumbo lavo pokanhele oko va pewa kumwene womukunda konima eshi meumbo omu va kala hava di va pewamo va tewa mo ku xekulu.

Ova holola kutya vati meumbo omo va dalelwa nova kala hava di ova pewa mo eemeta 100 va kale nalo kokule.

Ovati meumbo omo va tewa omo va dalelwa naina omo a tekulwa naashi a xulifa omo a lililwa.

Saara Alweendo weedula 44 okwa lombwela Kundana ta ti ovapumbwa epaala, oihati, eedopi osho yo odalate va ninge eumbo lavo pokanhele kavo.

“Paife ohatu nangala ashike oshimbwilikita molwaashi katu na sha vali eenduda da wana po. Ngeenge ope na vakwetu ou ta dulu oikutu yambidida ohatu ka pandula unene,” ta ti.

Okwa weda ko tati noikulya kave na sha.