Nakufekelwa ekwatombyambyona a tindilwa eifutilemo …a kala ta kongwa molwa oshipotha shimwe kOpuwo

Omukiintu ngoka ta fekelelwa ekwatombambyona lyokanona hoka kali ka kana posikola Oshakati Primary, okwa tindilwa omboloha kompangu yaMangestrata gwaShakati.

Veronica Timoteus gwomimvo 26 okwa holoka mompangu yaMangestrata yOshakati Etine.

Opolisi oya totha mo kutya omukiintu ngoka ali a gandja edhina lyaashi lyoshili tango, okuna natango oshipotha shokuyaka kOpuwo hoka a kala ta kongwa. Sha ikolelela kopolisi yaShana Timoteus okwali a fala okanona komulumentu ngoka a kala ta fundju kutya okuna okanona naye.

omukiintu ngoka anuwa okwali a fala aapolisi komukunda Etayi hoka kuna omulumentu ngoka ali a fatulile opolisi kutya okwa kala noku sapota okanona omanga okashona.