Tava longifa omaendo ongoundjuwo mOshakati …vamwe vati ohava i moshana

OSHAKATI- Ovakwashiwana vomolukanda Oshikango li li kOshakati East ova ninga oihakanwa yokulikwafela momaendo ngeenge oushitwe tau pula molwaashi kave na sha oundjuwo wokulongifa.

Onghela Kundana okwa talela po olukanda e li noku ya meenghundafana novakwashiwna.

Ovakwashiwana ova holola tava ti oshi li ova taalela omhumbwe youndjuwo naashi osha eta opo va kale tave li kwafela momaendo. Ngeenge owai momaendo omwa nyata neenghono eshi ovanhu va nyateka mo.

Omuutolinghundana ou okwa mona omhito yoku ya momaendo ashike ka kwa li shipu okuenda mo shaashi omuhadi unene eenyata dovanhu eshi ve li kwafelela mo.

Ovakalimo ova dengela eebashu davo di li popepi nomaendo ongelaka yaElcin.