Omwaalu wovatalelipo moshilongo wa shuna pedu

Omwaalu wovatalelipo okudja kondje yoshilongo moNamibia owa shuna pedu neepelesenda 3,2 pokati komudo 2024 fiyo 2025.

Edi oda yelifwa kuMinista womidingonoko, oixwa nomapashiono Indileno Daniel kutya momukokomoko wodula 2024 ova li va yakula ovatalelipo oku dja kondje yoshilongo veli 1 257 093 ndele paife omwaalu wovatalelipo owa fikama po1 217 108 osho tashi holola kutya owa shuna pedu neepelesenda 3,2. Daniel edi okwe di yandja pefimbo a li ta yandje olopota inasha nomwaalu wovatalelipo ovo oshilongo sha yakula mo 2025. “Eshuno pedu mowaalu ou ola pumbwa oku kala epashuko letu kutya ohatu ende hatu kanifa shihapu notwa pumbwa oku patuluka noku ningapo sha,” ta ti. Okwa twikila kutya omwaalu ou owa didilikwa unene meenhele edi hadi dilile eloko oshilongo do odi na eedjo odo hadi nane unene ova telipo.