Omukiintu a kwatwonkonga kaalumentu omugoyi

Aalumentu ye li omugoyi oye liwe mokashoko sho taku hokololwa ya hangene nokukwatonkonga omukiintu gwomimvo 25 sha ningilwa momudhingoloko gwaNau-Aib, mOkahandja, ongula yOsoondaha ya zi ko.

Pauyelele wa pitithwa komupopiliko gwopolisi moshilongo, omupevikomufala Kauna Shikwambi, aalumentu mboka oya kuthilemo nakuninga oshihakanwa ombele noya yi momilalo naye koonkondo.

Shikwambi okwa popi kutya oshiningwanima shoka osha ningilwa popepi nomagumbo gaaniilonga yaNamWater poNau-Aib, omanga omukiintu ngoka a li mela lyondjila a thinda kegumbo.

“Pauyelele wa zi kunakuninga oshihakanwa, kali ta vulu okukuga a mone ekwatho molwashoka aafekelwa oye mu ningile omatilitho kutya otaye mu tsu nombele,”osho Shikwambi a popi ngaaka.