Mayola waNdangwa a yambidida ovanafikola pOlukolo

Abraham Mwanyekange Mayola wodoolopa yaNdangwa Ester Aula okwa yandja eenghaku dofikola 110 osho yo eefewa doku li kosha 150 kovanafikola vopofikola Olukolo Primary School mOndangwa. Eenghaku neefewa oda kosha ongushu yoshimaliwa shi fike po N$ 18 000. Mayola okwa wanifa po eudaneko laye okukwafela ovanafikola unene vomomudingonoko waNdangwa ava ve li momhumbwe.

Aula okwa li a wanifa po natango oshilonga shaye eshi muFebuluali neudo eshi kwa li natango a yandja omidjalo dofikola kovalongwa ve fike pomilongo 20 dongushu yoN$5 000. Pefimbo ta yandje eenghaku, Mayola okwa ti ota twikile nokuyambidida okaana okaNamibia. Aula okwa holola kutya muFebluali okwa mona ounona ve ya kofikola vehena eenghaku dofikola.