Omutamanekwa okwa li e na omangela yokuxwika po omhangu – epangelo
Epangelo ola ti kutya omutamanekwa moshipofa shedipayo Abner Mateus okwa li e na omangela yokutomeka Omhangu yaMangestrata mOndangwa nokuninga omangela opo epeko laye li vakwe mo konima eindilo lobooloha la dopa oikando ivali. Pefimbo loihokolola momhangu Etitatu, omutamaneki wepangelo Yeukai Kangira okwa lombwela omhangu kutya Mateus okwa kendabala yo okuheka omukulupe oo e mu tulila […] The post Omutamanekwa okwa li e na omangela yokuxwika po omhangu – epangelo appeared first on The Namibian .
Epangelo ola ti kutya omutamanekwa moshipofa shedipayo Abner Mateus okwa li e na omangela yokutomeka Omhangu yaMangestrata mOndangwa nokuninga omangela opo epeko laye li vakwe mo konima eindilo lobooloha la dopa oikando ivali.
Pefimbo loihokolola momhangu Etitatu, omutamaneki wepangelo Yeukai Kangira okwa lombwela omhangu kutya Mateus okwa kendabala yo okuheka omukulupe oo e mu tulila mo oshipofa osho she mu kaleka konima yekumba okudja muNovemba 2022 e shi kufe mo.
Mateus ota tamanekelwa okuunganeka edipayo manga e li modolongo lomutamaneki Justine Shiweda kOndangwa, oo kwa li a yashwa ndee ta tilwa oudiyo momafiku 17 Oktoba odula ya dja ko.
She likolelela kuKangira, Mateus okwa li tete a kwatwa po konima a kengelela omukulupe oshimaliwa shi fike poN$70 000 momudo 2022.
