Oipindi yOshakati Totem ya tameka

OSHAKATI – Ovakalimo vopopepi nOshakati monooli osho yo oshilongo ashishe koonono ove li tave li mumaamuma nokulilongekidila omauliko oipindi odoolopa yaShakati oo atameka nena. Omauliko oo a shivika ongOshakati Totem Expo okwa teelelwa a nangekwa nena pambelewa kOmupedupresidente Lucia Witbooi kokapale komaudano aShakati. Omupopiliko wodoolopa yaShakati, Martin Kapuka okwa ti shoneudo otashi ka kala shiwa, shaashi otashi ka danwa oule womafiku omuwoi.

“Momusholondodo woinima ei twa teelela i ka kale ya holoka koipindi ei, otu na mo oxungi oyo tai tameke okudja nena, fiyo omomafiku 03 Juni 2026,” ta ti. Kapuka okwa twikila kutya natango otaku kala ku na oudano weengonyo, oudano wowela, omafiyano aMiss Womalenga osho yo Mr naMiss Totem. “Momusholondodo oo nda dja nokutumbula, otwa teelela mu ka kale mu na ovanhu tava ulike oitalendi yavo momikalo da yooloka nodinyakula, osho yo omafiyafano a hafifa,’ ta ti.