Iishanaputa Combined monghuwo ina onghambe …ya pumbwa oundjuwo, oluumbo naikwao

Iishanaputa- Ofikola yedina Iishanaputa Combined moshikandjohololo shaOutapi, moshitukulwa shaMusati oya yandja omakemo ayo enasha nonghalo yofikola oyo ili monghalo itai nuwa vali omeva.

Kandjumbwa Magdalena oo eli omuhongi wexungomwenyo pofikola, okwa holola kutya ofikola kaina oundjuwo veli monghalo ili nawa. Okwa ti oundjuwo vahe li pondodo yovahongi.

“Ofikola nghee ngaho yeu ile po i tungwe nande okandjuwo kamwe haka pombo. Ovahongi ohava longifa ashike oundjuwo ovo vena elambo la fewa oko haku tilwa omeva,” ta ti.

Kombinga yovanafikola ovahongi ove li yamba va tungile ovanafikola oundjuwo vopokafimbo oku dilila meendjato davo, noha va longifwa kovanafikola va koya po 700.