Oshimaliwa sha ya oilonga yopate yOshakati-Ompundja moshipala …Nekundi meenghundafa nouministeli wemona

OSHAKATI – Ovapewi voilonga yokutunga eepate ova yandja omakemo avo shina sha noimaliwa oyo hava pewa olunga eepate kutya ihai kala ya wana. Ovalongi vopate oyo yandja kOshakati fiyo okOmpundja ova holola kutya oilonga yavo ohai iwa moshipala unene molwaashi oshimaliwa osho va mona okuwanifa po oilonga ei inashi wana. Dasius Nelumbu omukulunhu womehangano loRoads Construction Company (RCC) okwa ti opoloyeka ei vena yokutunga opate yaShakati-Ompundja oyo ina eekilomita da koya po100, okwa ti ove li tave i longo ashike ota vei longo koshimaliwa i nashi wana.

Okwa twikila kutya vo ova pewa ashike eemiliona N$30 oku dilila ko Roads Fund Authority (RFA) mekwatafano nouminiteli woyeendifo noilonga. “Oku tala nee omashina aa hatu longifa, fyee hatu tale kondado yao, oshili oina ondilo. Moimaliwa omo ngeenge otwa kufa mo omashina aa nokuli twa landa nale shaashi oilonga oya tameka, oshimaliwa eshi sha xupa po otashi dulu ashike okulonga opate oule weekilomita nhano okutula ko oteya,”