Ovanadolongo va twa ovahongwa omukumo va angale oimbuluma

Ovanadolongo kodolongo yaLuno, ove li pyakidila nosh ikonga shoku andjakaneka ouyelele unasha nelongifo loikolwifwa, omapangwe osho yo omikalo odo tadi dulu oku tulifa omunhu konima yokakuma.

Omupopiliko wodolongo yaLuno Veiko Jeremia oo natango eli omuunganeki nomukwateli komesho woshikonga eshi okwa ti elelakano lokuninga oshikonga unene meefikola oku hongolola ovanafikola va haye momapuko shaashi ovalongi voikulumuna ava vaidililwa mOluno vahapu ova tameka okulonga oikulumuna peedula davo. Okwa twikila kutya exungomwenyo ola kwatela mo unene elongifo lomapangwe osho yo oyeetifi oyo hai etwa kelongifo lomapangwe.

“Ovanadolongo vahapu ove li haluka ashike veli konima kokakuma molwa oilonga oyo va longa pefimbo vali veli koshi yelongifo lomalodu, osho yo omapangwe shaashi luhapu iha va kala lela veshi eshi tava ningi,” ta ti.