Efiku loulema woshipa ota li dimbulukwa mOshakati

OSHAKATI- Ovanhu vena oulema woshipa nena otava dimbuluka efiku lavo koshipangelo kOshakati omo tava tumbalekwa nokupewa omaadi okuvava osho yo okuningilwa omakonakono ouhaku.

Efiku eli oha li dimbulukiwa omudo keshe mounyuni momafiku 12 Juni okuyandja efimaneko kovanhu ve na oulema woshipa. Edi oda popiwa kOmupedupresidente wehangano lovanhu ve na oulema woshipa moNamibia Walde Kambambi onghela.

Okwa yelifa ta ti okudja omafiku 10 Juni ovanhu ve na oulema woshipa ova tamekwa nale okuningilwa omakonakono nelalakano lokutalwa ngeenge ove na omikifi donhumba.

Okwa pula ovadali tava tekula ounona ile ovo va idilila ovakwapata vavo ve na oulema woshipa opo va longife omhito ei yokuva twalwa koshipangelo.