Unam a teelela etokolo kombinga yekopi loConfederation
Abraham Mwanyekange Namibia Football Association (NFA) okwa teelela elombwelo okudja ko Confederation of Africa Football (CAF) konima eshi ongudu yetanga yo University of Namibia (Unam FC) ya pula pambelewa opo va ka kalele po oshilongo kekopi loCAF Confederation odula eyi. Epulo la Unam ole ya konima eshi CAF a wedela ko omafiku okuninga eedjapo doku... The post Unam a teelela etokolo kombinga yekopi loConfederation appeared first on New Era .
Abraham Mwanyekange
Namibia Football Association (NFA) okwa teelela elombwelo okudja ko Confederation of Africa Football (CAF) konima eshi ongudu yetanga yo University of Namibia (Unam FC) ya pula pambelewa opo va ka kalele po oshilongo kekopi loCAF Confederation odula eyi.
Epulo la Unam ole ya konima eshi CAF a wedela ko omafiku okuninga eedjapo doku kufa ombinga mekopi. Omafiku a xuuninwa okwa li 30 Juni. Paife omafiku okwa wedelwa fiyo 25 Juli 2026. Etokolo la ningwa ku CAF olo la eta Unam a shangele ombaapila ku NFA kutya onga omufindani wekopi la NFA okwe li longekida oku wanifa po oipumbiwa aishe oyo ta i pulwa ku CAF yee aka kalele po oshilongo.
Mu Mei neudo, Omupresidente wo NFA Robert Shimwooshili okwa yelifa kutya ongudu yetanga oyo yeya yotete nonhivali molixa yopombada ya Namibia odo tadi ka kalela po oshilongo kekopi.
