Etungo lombelewa yelelodoolopa lEenhana mounyengwi oule weedula hetatu

Etungo lombelewa yelelodoolopa yEenhana oli li mounyengwi konima eshi ovatungi ve li fiya ofika shaashi vati eendjabi davo ina di wanifwa po, lo etungo loo vene ola pumbwa eemiliona N$9 opo li dule okukala la pwa. Ouyelele ou owe ya poluhaela konima eshi okomotiye okudilila komutumba wopashiwana ye ya okutalela po odoolopa, nokuninga omapekaapeko osho yo okutalela po oshitukulwa nokutala nghee ovaleli osho yo omalelo odoolopa tae shi endifa. Osheendo eshi sha li shikwetelwe komesho koshilyo shopaliamente Uahekua Herunga, oo kwa li yo natango tashi ningi omapekapeko e na sha nomashongo, omaunyengwi oshoyo omaupyakadi aa hava kala vataalela efiku nefiku.